خطبني شخص مواصفاته ظاهريا مافيها عيب وزي ما كنت اتمنى سواء من وظيفة او سكن او تفكير ووقت الشوفة ما انقبض قلبي وكان الوضع عادي على الرغم ان شكله مو مره ولكن قلت بعد التواصل رح يتغير الوضع خصوصا ان الشخصية تغلب على الشكل
بعد التحاليل وتبادل الارقام والتواصل قلبي انقبض وبدبت اتضايق كل ما ارسل لي او طلب يكلمني او صور لي يومياته او حتى لو سلڤي
الموضوع بدا يوترني نفسيا خصوصا انه مندفع مع العلم انه شافني بس في الشوفة اقل من نص ساعة وكل ماتواصل معي انفر زيادة لدرجة الغضب والتوتر والارق في الليل ماعرف هل هذا طبيعي هذا الوقت او هذي اشارة اني مارح اتقبله ومارح ارتاح له
ماعرف احد تزوج قبلي وماعرف البنات ايش يحسوا هذا الوقت
اخاف اتخذ قرار واندم لان الشخص مواصفاته العملية ممتازة جدًا خصوصا في مجتمعي
استخرت ولازلت بنفس المكان مو عارفة ايش اسوي